Archives

All posts for the month May, 2015

ጥያቄ1፦ፅንስ ማቋረጥን በተመለከተ የኢትዮጵያ ኦርቶዶክስ ተዋሕዶ ቤተ ክርስቲያን ያላት አቋም  ምንድ ነው?

መልስ፦ ፅንስ ማቋረጥን የኢትዮጵያ ኦርቶዶክስ ተዋሕዶ ቤተ ክርስቲያን ትቃወመ ዋለች፤አስተምህሮዋና ቀኖናዋም ይቃወማል። ምክንያቱም፦ ፅንስ የሰው  ዘር በምድር ላይ እንዲበዛ እግዚአብሔር ስለፈቀደ ‹‹ብዙ ተባዙ አላቸው፤ ባረካቸውም›› (ዘፍ ፩፥፳፰) ባለው አምላካዊ ቃል መሠረት የሚገኝ በረከት ነው፤ስለሆነም ፅንስ ገና ያልታየና ያልተወለደ ቢሆንም ከእግዚአብሔር ሕይወት የተሰጠው ፍጡር ነው። ‹‹ከእናቴ ማሕፀን ጀምሮ አንተ አምላኬ ነህ›› (መዝ.፳፩፥፱) ‹‹ከማሕፀን ጀምሮ በአንተ ተደገፍሁ፤ከእናቴ ሆድ ጀም መሸሸጊያዬ ነህ››(መዝ.፸፥፮) እንደተባለው ሁሉ ፅንስ የእግዚአብሔር ጥበቃና መግቦት ያለው ነው። እግዚአብሔር በፈቀደ ጊዜ ለወደፊት ሥጋዊም ሆነ መንፈሳዊ ተልእኮ ያለው እንደሚሆን በእግዚአብሔር ዘንድ ዕውቅና  የተሰጠውና የመኖር መብት ያለው ነው። ስለሆነም ከዚህ በላይ በተገለጸው    አምላካዊ ቃል መሠረት የኢትዮጵያ ኦርቶዶክስ ተዋሕዶ ቤተ ክርስቲያን ፅንስ ማቋረጥን አጥብቃ ትቃወማልች።(ዘፀ. ፳፥፩፫)

Continue Reading

እንኳን ለብርሃነ ጥምቀቱ በሰላም አደረሳችሁ

 የጥምቀት በዓል ባሕረ ጥምቀት ታሪካዊ አመጣጥ

ለጥምቀት በዓል ባሕረ ጥምቀት ታሪካዊ አመጣጥ መነሻ የሚሆነን በዋነኝነት የክርስቶስ ከገሊላ ወደ ዮርዳኖስ መሄድ ሆኖ ቅድመ በዓል ኤጲፋንያ (ከመገለጥ በዓል በፊት) እስራኤላውያን በብሉይ ኪዳን ወንዝ ወርደው፣ ዣንጥላ አስጥለው፣ ዳስ ሠርተው የመልካም ዛፍ ፍሬና የለመለመ ቅርንጫፍ ወስደው እያንዳንዱ አቅሙ የሚፈቅድለትን ስጦታ እየሰጠ በዓለ መጸለትን (የዳስ በዓልን) እግዚአብሔር ወደ መረጠው ስፍራ በመሄድ “አባቶቻችንን ባህር ከፍለህ ደመና ጋርደህ ያሻገርካቸው” አምላክ አንተ ነህ በማለት የተቀደሰ ጉባዔ በማድረግ በዓሉን ያከብሩ ነበር፡፡ ዘሌ 23፡1-49 ዘጸ 23፡14፣ ዘዳ 16፡16

Continue Reading

የእግዚአብሔር መልአክ በሚፈሩት ዙሪያ ይሰፍራል ያድናቸውማለ፤ እግዚአብሔር ቸር እንደሆነ ቅመሱ፤ እውቁም (መዝ ፴፫፥፯-፲፩)

የመልአኩን ቅዱስ ሚካኤል ተራዳኢነትና እግዚአብሔር በመላእክቱ በኩል ለሰው ልጅ የሚያደርገው ቸርነት በስፋት የምናይበት ነው። “ሚካኤል ማለት “እንደ እግዚአብሔር ማን ነው?” ማለት ነው። ቅዱሳ ሚካኤል ሰይጣንን በመቃወም የእግዚአብሔር ሕዝብ የሚጠብቅ የመላእክት አለቃ  ነው ( ዳን ፲፥፩፫-፳፩፡፲፪፥፩ ይሁዳ ፱፱፤ ራእ ፲፪፥፯)። ነቢዩ ዳንኤል በችግር ውስጥ በነበረበት ጊዜ ለርዳታ የደረሰለት ቅዱሳ ሚካኤል ስለነበር “ከዋነኞቹ አለቆች አንዱ ሚካኤል ሊረዳኝ መጣ” ሲል የቅዱስ ሚካኤልን ተራዳኢነት ይገልጣል (ዳን.፲፥፲፫)። ሰይጣን የእስራኤልን ሕዝብ ለማሳት አጠናክሮ በተነሣ ጊዜ ሕዝብ ከሰይጣን ፈተና ለመታደግ ከእግዚአብሔር የተላከው ቅዱስ ሚካኤል ነው (ይሁዳ ፱)። ሰይጣን በቅዱስ ሚካኤል ድል ተነሥቶ እንደወደቀ ቅዱስ መጽሐፍ ሲናገር “በሰማይ ሰልፍ ሆነ፤በሰማይ ስፍራ አልተገኘላቸውም፤ ዓለሙን ሁሉ የሚያስተው ዲያብሎስና ሰይጣን የሚባለው ታላቁ ዘንዶ እርሱም የቀደመወ እባብ ተጣለ፤ መላእክቱም ከእርሱ ጋር ተጣሉ” ይላል ራእ.፩፪፥፯-፲)።

Continue Reading

Abune Samuel Speaking on  Contemporary Issues

ብጹዕ አቡነ ሳሙኤል በወቅታዊ ጉዳዮቸች ላይ ውይይት እያደረጉ

በመጋቢት 23 ቀን 2007 ዓ.ም በቅድስት ሥላሴ መንፈሳዊ ኮሌጅ ጥናትና ምርምር ክፍል ጋባዥነት፣ የኮሌጁ የበላይ ኃፊና ዲን ሊቀጳጳስ ብፁዕ አቡነ ጢሞቴዎስ፣ የኮሌጁ ደቀ መዛሙርት የቀንና የተከታታይ መርሐ ግብር ተማሪዎች፣ መምህራንና የአካዳሚክ ጉባኤ አባላት፣ የከፍተኛ ትምህርት ተቋማት መምህራንና ተጋባዥ ምሁራን በተገኙበት የኢትዮጵያ ኦርቶዶክስ ተዋሕዶ ቤተ ክርስትያን አስተዳደራዊ፣ ጠንካራና ደካማ ጎኖች እንዲሁም የወደፊት ስጋቶች በሚል ርዕስ ጥናታዊ ጽሑፍ አቅርበዋል፡፡

Continue Reading