Archives

All posts for the month October, 2015

የኢትዮጵያ ኦርቶዶክስ ተዋሕዶ ቤተ ክርስቲያን

ለከተማና ኢንዱስትሪ(ሕዝባዊ ኑሮ)እድገት ያላት ተቀዳሚ ተልዕኮ

The Ethiopian Church Early Involvement in Community and Industrial Development

የከተማ አኗኗር ሁል ጊዜ የሚለዋወጥ፣ ሰዎች እርስ በርሳቸው ተቀራርበውና በአንድ አካባቢ ተሰባስበው እንዲኖሩ የሚያመቻች፣ ለግሰቦችም ሆነ ለማኅበረሰብ የመዋዕለ ንዋይ ዕድገት ምቹ የሆነ አጋጣሚን የሚፈጥር ሲሆን ሰዎች ፈጣንና ሥልጡን አኗኗር አጀማመር ታሪክ ስናይ በዓለማችን ምናልባትም ከአውሮፖ ሕዳሴ ዘመን በኋላ በ16ኛው መቶ ክፍለ ዘመን ማብቂያ አካባቢ እንደተጀመረ ይነገራል፡፡ በርከት ያሉ የማኅበረሰብና የሥነ ሕዝብ ጥናት ሊቃውንትም ዘመናዊው የከተማ ሥልጡን አኗኗር ቀደም ሲል በጥንታዊ ከተሞች በመንደር ተሰባስቦ ከመኖር ለየት ያለ የነዋሪዎችን ፈላጎት መሠረት ያደረገ ሰፊ ንግድና የገበያ ልውውጥ፣ የመሠረተ ልማት አቅርቦት ያካተተ፣ ፈጣን የመረጃ ልውውጥና የማኅበራዊ ኑሮ አደረጃጀት ሲኖረው በአንጻሩ ከቀድሞው የገጠርና የአነስተኛ መንደሮች አኗኗር ውስብስብ እንደሆነ ይነገራሉ፡፡

የከተማ አኗኗር ስልትና ክስተቱ በአደጉ ሀገሮችና በማደግ ላይ ባሉ እንዲሁም ከድኅነት ወለል በታች በርካታ ሕዝብ ባላቸው ያላደጉ ሀገሮች ያለው ሁኔታ እጅግ ይለያያል፡፡ የከተማ አኗኗር ባደጉት ሀገሮች በልዩ ልዩ ጥቅማ ጥቅሞች ጋር የተገናኙ መሠረታዊ የኑሮ ፍላጎቶች፣ የኃይል አቅርቦቶች፣ የትምህርት የጤና፣ የማኅበራዊ ዋስትና፣ የኑሮ ደህንነትና የመሳሰሉት መሠረታዊ አቅርቦቶች፣ አንጻራዊ በሆነና በተመጣጠነ መንገድ የተሟሉ ናቸው፣ በተቃራኒው ይህ ሁኔታ በማደግ ላይ ባሉና ባላደጉ ሀገሮች ሲታይ እጅግ በጣም ልዩነት አለው፡፡ እነዚህ ሀገሮች ከተሞችና የከተማ ቀመስ የመጠለያ ቤት፣ ልብስ፣ የዕለት ምግብ ከነዋሪዎች ጋር ፈጽሞ አይቀራረብም፣ የኑሮ ደረጃ በከፍተኛ ክፍተት የተራራቀ ነው፣  ሀብታሞችና በድሆች መካከል ያለው የኑሮ ደረጃ ልዩነት እጅግ ሰፊ ነው፡፡ የኃይል አቅርቦት የተመጣጠነ አይደለም፣ የመሠረተ ልማት የሚባሉት የመንገድ፣ የንጹሕ አካባቢ፣ የጤና አገልግሎቶች ፈጽመው በነዋሪው ጋር የተመጣጠኑ አይደሉም ያሉትም የተወሰኑ ነዋሪዎችን አቅም ብቻ ያማከሉ ናቸው፡፡ Continue Reading