ሐዋርያዊ ተልዕኮ

በስመአብ ወወልድ ወመንፈስ ቅዱስ አሐዱ አምላክ አሜን።

ሰውሆይ ውኃ ሕይወታችን ነው!

  • ክቡራንና ክቡራት የክልሉና የአካባቢው የመንግሥት ባለስልጣናት
  • የተከበራችሁ የልማትና ክርስቲያናዊ ተራድኦ ኮሚሽን ሠራተኞች
  • ክቡር የገዳሙ አስተዳዳሪና መነኮሳት በሙሉ
  • ክቡራን ተጋባዝ እንግዶችና
  • በአጠቃላይ የዚህ አካባቢ ማኅበረ ሰብእና ለዚህ የንጹሕ ውኃ መጠጥ ፕሮጀክት የምረቃ በዓል ጥሪ ተደርጎላችሁ የተገኛችሁ ሁሉ ውድ ጊዜ ያችሁንና ጉልበታችሁን መሥዋዕት አድርጋችሁ እዚህ በመገኘታችሁ በእራሴና በኢትዮጵያ ኦርቶዶክስ ተዋሕዶ ቤተ ክርስቲያን የልማትና ክርስቲያናዊ ተራድኦ ኮሚሽን ስም የከበረ ሰላምታየን አቀርባለሁ፡፡

ከዚህ በመቀጠል ቸር እግዚአብሔር አምላክ ያሰብነውን የልማት ሥራ በሰላም አከናውኖ ለዚህ ዕለት ላደረሰን ክብር ምስጋና ይግባው፡፡ እናንተም እንኳን ደስ አላችሁ!

“ቀዳሜ ሕይወቱ ለሰብእ እክል ወማይ፤ ወይን ወስርናይ”

ለሰው የመጀመሪያ ሕይወቱ እህልና ውኃ፤ ወይንና ስንዴ ነው እንዳለ፡፡ሲራክ 29፡21

እግዚአብሔር አምላካችን በባሕርዩ ሁሉን አዋቂ ነውና ለፍጥረቱ ሁሉ የሚያስፈልገውን ማንኛውንም ነገር በሙሉ አሟልቶ ፈጥሯል፡፡ወኃ የተቀደሰ የምድራችን አካል እንደሆነ በመዝ. 69፥34 ተገልጻል ውኃ ለሕይወታችን በከፍተኛ ደረጃ አስፈላጊ ስለሆነነው፡፡

በመሆኑም ስለ ውኃ ጥቅም ገመግለጻችን በፊት ጥንታዊት፤ ታሪካዊት፤ ሐዋርያዊትና ዓለም አቀፋዊት እናት የኢትዮጵያ ኦርቶዶክስ ተዋሕዶ ቤተ ክርስቲያን ከፈጣሪዋ የተሰጣትን ሀብትና ትዕዛዝ ጠብቃ የሰው ልጆች በሙሉ ሰላማዊ፤ ጤንነቱ የተሟላ፤ ሥነ-ምግባሩ ያማረ፤ እምነቱ የጸና፤ እርስ በእርስ የሚረዳዳና የሚተዛዘን፤ በፍቅር አብሮ የሚኖር፤ በወዙ በጉልበቱና በሙያው ሠርቶ ራሱን የሚጠቀምና ሌላውን የሚጠቅም፤ ትክክለኛና ፍትሐዊ የሆነ፤ፊት አይቶየማያዳላ፤ቅንናትሁት፤ኩሩ፤ለክብሩናለነጻነቱየተጋዜጋለማፍራትበብሉይናበሐዲስ ኪዳን መሠረት ላይ ቁማ ለኢትዮጵያውያንና ኢትዮጵያውያት በሙሉ ያስተማረችውንና በተግባር የፈጸመችውን በመጠኑም ቢሆን ማስታወስ ግድ ይላል፡፡

ውሃ ለሕይወታችን ጠቃሚ ከሆኑት መካከል በዋነኝነት የሚጠቀስ እና የምድራችንን 70 በመቶ የሚሆነውን ክፍል የሚይዝ የዓለማችን አካል ነው፡፡ ከሰውነታችንም 70 በመቶው ውሃ እንደሆነ ይገለጻል፡፡ ከደማችንም 90 በመቶው ውሃ ነው፡፡ ያለውሃ መኖር አይቻልም፡፡ ጥናቶች እንደሚጠቁሙት 97 በመቶ የሚሆነው የውሃ አካል እጅግ ጨዋማ እና በውቅያኖሶች የሚገኝ ሲሆን ንጹሕ ተብሎ የሚገመተው 3 በመቶው ብቻ ነው፡፡ ከዚህ መካከልም ለመጠጥ እና ለግብርና ሥራዎች የሚውለው አንድ በመቶ አካባቢ እንደሆነ ይታወቃል፡፡ እጅግ ልንጠቀምበት የሚገባው እና እስከአሁን እንደሚፈለገው ያልተጠቀምነው ውሃ የከርሰ ምድር ውሃ ሲሆን ይህም 20 በመቶ የምድራችንን ውሃ ይሸፍናል፡፡

በቅርቡ የዓለም የጤና ድርጅት ባወጣው ሪፖርት ንጽሕና በጎደለው ውሃ እና ከግል ንጽሕና አጠባበቅ ችግር ጋር በተያያዘ በየዓመቱ ቁጥራቸው ከሁለት ሚሊዮን የሚልቁ ሰዎች በተቅማጥ በሽታ ሕይወታቸው ያልፋል፡፡ ይህንን ለመከላከል ንጹሕ ውሃ መጠጣት ምትክ የማይገኝለት መፍትሔ ነው፡፡ በዚህም መሠረት የኢትዮጵያ ኦርቶዶክስ ተዋሕዶ ቤተ ክርስቲያን ልማትና ክርስቲያናዊ ተራድኦ ኮሚሽናን የመናገሻ ማርያም ገዳምና የአካባቢው ኅብረተሰብ ያለበትን የንጹሕ መጠጥ ውሃ አቅርቦት ችግር ለመፍታት ከገዳሙ በቀረበለት ጥያቄ መሠረት ብዙ ጥረት ሲያደርግ ቆይቶ በእግዚአብሔር ፈቃድ ከብዙ ዓመታት በኋላ ችግሩ ሊቀረፍ ችሏል፡፡

ይህንየመጠጥውሃሥራእውንለማከናወንልማትኮሚሽኑ፡-

  1. አንድ 12ዐ ሜትር ጥልቀት ያለው ጉድጓድ በኮሚሽኑ የውኃ መቆፈሪያ መሳሪያ(ሪግ) በመቆፈር
  2. አስፈላጊውን ነዳጅ እና የባለሙያ ክፍያ በመሸፈን
  3. 125 ሜትር ባለ 4 ኢንች ፕላስቲክ ቧንቧ ጉድጓድ ውስጥ ለውኃ መግፊያ

የዋለና

  1. 6ዐዐ ሜትር ባለ 11/4 ኢንች የብረት ቧንቧ እና ሌሎች አስፈላጊ

መገጣጠሚያች ገዝቶ በማቅረብ እና ከምእመናን ድጋፍ የተገኘ የፕላስቲክ

ቧንቧ አንድ ክሎሚትር በመዘርጋት

  1. አንድ ከ22ዐ ሜትር በላይ ውኃ ሊገፋ የሚችል ፓምፕ ግዥ በመፈፀም
  2. ከመናገሻ ከንቲባ የተገኘ ድጋፍ ትራንስፎርሞር በዋጋ ሲተመ ንበድምሩ

1,000.000 (ከአንድ ሚልዮንብር) በላይ የሚደርስ ወጭ ያደረገ ሲሆን፤

በመሆኑም ይህንን ንጹሕ የመጠጥ ውሃ ዛሬ ሚያዝያ 26 ቀን 2ዐዐ9 ዓ.ም.በልዑል እግዚአብሔር ፈቃድ ተመርቆ ሲከፈት ታላቅ እርካታ ይሰማናል፡፡ በቀጣይም መሰል ተግባራትን የንጹሕ ውሃ ችግር ባለባቸው ሥፍራዎች አጠናክረን እንድንቀጥል የሚያበረታታን ተግባር ነው፡፡

የታቀደውን ዓላማ ለማሳካትም ኮሚሽኑ ያለውን አቅም ሁሉ በማሰባሰብ ሥራውን በማከናወን ለተጠቃሚ የገዳሟ መነኮሳትና ለአካባቢው ኅብረተሰብ ለማስረከብ በመቻሉ እግዚአብሔር አምላካችንን እና መሰግናለን፡፡

በድጋሜእንኳንደስአላችሁ!

ሰላመ እግዚአብሔር ከሁላችን ጋር ይሁን!

ሚያዝያ 26 ቀን 2009 ዓ/ም

 

አባሳሙኤል፤

የኢትዮጵያ ኦርቶዶክስ ተዋሕዶ ቤተ ክርስቲያን

ልማትና ክርስቲያናዊ ተራድኦ ኮሚሽን ሊቀጳጳስ

እና የቅዱስ ሲኖዶስ አባል

አዲስአበባ

Lidetልዑለ ባሕርይ ቸሩ እግዚአብሔር ፈጣሪያችን

እንኳን ለብርሃነ ልደቱ በሰላም፣በጤና እና በሕይወት አደረስዎ

 

“እስመ ናሁ ተወልደ ለክሙ ዮም መድኅን ዘውእቱ ክርስቶስ እግዚእ ቡሩክ በሀገረ ዳዊት”

   ዛሬ በዳዊት ከተማ መድኃኒት እርሱም ክርስቶስ ጌታ የሆነ ተወልዶላችኋል፡፡ ሉቃ 20

     “For unto you is born this day in the city of David a Saviour, which is Christ the Lord” (Luke 2:1)

 

         “ወአመ በጽሐ ዕድሜሁ ፈነወ እግዚአብሔር ወልዶ ”

የዘመኑ ፍጻሜ በደረሰ ጊዜ እግዚአብሔር ልጁን ላከ  ገላ ፬፥፬

“When the fullness of time was come, God sent forth His Son” Gal. 4፥4

                                                                

    “ስብሐት ለእግዚአብሔር በሰማያት ወሰላም በምድር ለእጓለ እመሕያው ሥምረቱ”

ምስጋና ለእግዚብሔር በአርያም ይሁን ሰላምም በምድር ለሰውም በጐ ፈቃድ

Glory to God in the highest, and on earth peace, good will to ward Amen

 

 ቸሩ እግዚአብሔር አምላካችን በዐሉን የሰላም፣ የጤና፣ የበረከት ያድርግልን!!!

 

          

                                     

                                  ሰላመ እግዚአብሔር ከሁላች ጋር ይሁን!!

‹‹ከእናንተ ወገን በእውነት የተፈተነ ብልህና ዐዋቂ ማነው?››ያዕ 3፥13-18
ሐዋርያው ቅዱስ ያዕቆብ በተለያየ ምክንያት በዓለም ለተበተኑት ለዐሥራ ሁለቱ ነገደ እስራኤል መንፈሳዊ ጥበብን በሥራ ላይ እንዴት ማዋል እንደሚገባ ከመግለጽ ጋር ከእናንተ መካካል ጥበበኛና አስተዋይ ሰው ማነው? ብሎ ከጠየቀ በኋላ ለክርስቲያናዊ ኑሮ መመሪያ የሚሆኑ ዐበይት ነጥቦችን ግልጽ በሆነ ስእላዊ አገላለጽ በመልእክቱ ያስተላልፋል። እንዲህ በ
ማለት ‹መራራ ቅናትና ራስ ወዳድነት በልባችን፣ ቢኖር አትታበዩ፣ በእውነትም ላይ አትዋሹ፣ ምክንያቱም  እንዲህ ዐይነት ጥበብ የሚገኘው ከዓለም፣ ከሥጋ፣ ከሰይጣን ነው እንጂ ከእግዚአብሔር አይደለም፣ ቅናትና ራስ ወዳድነት ባሉበት ሥፍራ ሁከትንና ክፋ ሥራ ሁሉ ይኖራሉ። ነገር ግን ከእግዚአብሔር በሚገኘው ጥበብ የሚመራ በመጀመሪያ ንጹህ ነው፣ ቀጥሎም ሰላም ወዳድ፣ ደግ፣ ታዛዥ፣ ምሕረት አድራጊ ነው። ጥሩ ፍሬ የመላበት አድልዎና ግብዝነት የሌለበት ነው።

‹‹ሰላም ወዳድ ሰዎች  ሰላምን ዘርተው የጽድቅን ፍሬ ይሰበስባሉ።›› እያለ ሐዋርያው የሰዎች ልጆች ሁሉንተናዊ ማኅበራዊ ኑሮ ያማረና የተዋበ እንዲሆን ከሰው
ልቡና ቅናትና ራስ ወዳድነት እንዳይኖር፣ወንድም በወንድሙ፣ ትልቁ በትንሹ፣ አዋቂው ባላዋቂው፣ ምሁሩ ባልተማረው፣ ባል በሚስቱ፣ ሚስትም በባሏ ላይ እንዳይታበዩ በሚገባ አስተምርል። ለትውልደ ትውልድም መመሪያ እንዲሆን ጽፎ አስተላልፍል። Continue Reading

‹‹ኢትክልእዎሙ ለሕፃናት ይምጽኡ ኃቤዬ››

‹‹ሕጻናትን ወደኔ ይመጡ ዘንድ አትከልክሏቸው (ማር 9፥36) ››

222111

 

 

 

 

 

 

 

ልጆች የእግዚአብሔር ስጦታዎች ናቸው የነገም የሀገርና፣ የታሪክ፣ የእምነት፣ ተረካቢዎች ናቸው በስነ አእምሮ ጎልምሰው እንዲያድጉ አቅም የሌላቸውን መደጋገፍና ማስተማር ይገባል።

እግዚአብሔር አምላክ ከአማኝ የሆኑ ወላጆች ጋር ቃል ኪዳን ሲመሰርት ከልጆቻቸውም ጋር መስርተዋል (ዘፍ 17፥10 – ሐዋ 2፥29 መዝ 127፥3)  ኮሚሽነር  ጸሐፊ

ልጅ የሚለው ቃል ከአንድ ሰው በሥጋ የተወለደው ብቻ ሳይሆን፣ የሥራ ወይም የትምሕርት ተከታይ፣ በሃይማኖት፣ የተወለደ፣ በእድሜ ትንሽ (ሕፃን) የሆነ፣የአገር ልጅ (በዜግነት) ተወላጅ የሆነ፣በሌላ አስዳጊ ስር ያለ ነው።

123ስለሆነም እነዚህን ወላጅ የሌላቸው ህፃናት እንደ ሃይማኖትም እንደ ሀገርም በጥበብ ማሳደግና ማስተማር ግዴታ አለብን። በማስተዋልም እንዲያድጉ ታዟል ይህ የማድረግም ከእምነት ሰዎች ያጠበቃል። ኤፌ 6፥4 -መ. ምሳ 1፥8 ለህፃናቱ መልካም የትምህርት ጊዜ ይሁንላችሁ እግዚአብሔር ይባርካችሁ!!

አባ ሳሙኤል

በኢትዮጵያ ኦርቶዶክስ ተዋሕዶ ቤተ ክርስቲያን

የልማትና ክርስቲያናዊ ተራድኦ ኮሚሽን ሊቀጳጳስ

አዲስ አበባ

ወአጽዐንከ ሰብአ ዲበ አርእስቲነ፤ አኅለፍከነ ማዕከለ እሳት ወይማይ፤ ወአውፃእከነ ውስተ ዕረፍት፡፡

(መዝ. 65÷12-13)

“እውነት እላችኋሁ፣ ካልተመለሳችሁና፣ እንደ ሕፃናት ካልሆናችሁ ወደ መንግሥተ ሰማያት ከቶ አትገቡም፤ እንደዚህም ሕፃን ራሱን ዝቅ የሚያደርግ በመንግሥተ ሰማያት የሚበልጥ ይህ ነው፡፡” ማቴ. 18÷1-2፡፡

Abuneጌታችን መድኃኒታችን ኢየሱስ ክርስቶስ በእስራኤል ምድር በሚያስተምርበት ወቅት ደቀ መዛሙርቱ ወደ እርሱ ቀርበው “በመንግሥተ ሰማያት ከሁሉ የሚበልጥ ማን ነው?” ሲሉ ጠየቁት፡፡ ደቀ መዛሙርቱ የምድራዊ ክብርና የሹመት ስሜት በልባቸውና በሐሳባቸው መኖሩን ስላወቀ ጌታችን ስለ ትሕትናና ራስን ዝቅ ዝቅ ስለማድረግ ያስተምራቸዋል፡፡ በአካባቢው ከነበሩት ሕፃናት መካከል አንድ ሕፃን ወስዶ በመታቀፍ “ካልተመለሳችሁና እንደዚህ ሕፃን ካልሆናችሁ ወደ መንግሥተ ሰማያ መግባት አትችሉም፤” አላቸው፡፡ እንደ ሕፃናት ካልሆኑ በመንግሥተ ሰማይ መብለጥ ሳይሆን መግባትም እንዳማይቻል ለደቀ መዛሙርቱ በአጽንኦት ገለጠላቸው፡፡ በጌታችን ትምህርት መሠረት ወደ መንግሥተ ሰማይ ለመግባት እንደ ሕፃናት መሆን አለብን፡፡ ይህ ምን ማለት ነው? መቼም ተመልሶ ሕፃን መሆን አይቻልም፡፡ ጌታም በዕድሜና በአካል እንደ ሕፃናት ሁኑ ማለቱ አይደለም፡፡ በጠባያችሁ እንደ ሕፃናት ሁኑ ማለቱ ነበር እንጂ፡፡ ሕፃናት የዋሆች ናቸው ቂም በቀል አያውቁም ቂም አይዙም ጸባቸውን ከጥቂት ጊዜ በኋላ ይረሱታል፡፡ ሕፃናት ሌላም በዐዋቂዎች ዘንድ የማይገኙ ብዙ ጥሩ ጠባዮች አሏቸው በወላጆቻቸው ላይ ከፍተኛ ፍቅርና እምነት አላቸው፡፡ ወላጆቻቸውን ማፍቀር ብቻ ሳይሆን በእነሱ ላይ ታላቅ እምነት አላቸው ሕፃናት ከወላጆቻቸው ጋር ከሆኑ ከምንም ነገር አይፈሩም፡፡

በሌላ በኩል ደግሞ ጌታችን ሁላችሁንም “እንደገና ካልተወለዳችሁ ወደ እግዚአብሔር መንግሥት አትገቡም” ይለናል፡፡ እንደ ሕፃናት ካልሆናችሁ ወደ እግዚአብሔር መንግሥት አትገቡም ይለናል ምናልባት ክፉ ሥራ በመሥራት የኃጢአት ሥራ በመሥራት እግዚአብሔርን አስቀይመነው ይሆናል ጎረቤቶቻችንን፣ ወንድሞቻችንን፣ እህቶቻችንን አስቀይመን ይሆናል፡፡ ቂም በቀልም ይዘን ይሆናል እንግዲህ ክፉ ሥራችንን እርግፍ አድርገን በመተው ያስቀየምነውንም ይቅርታ በመጠየቅ እኛንም ያስቀየሙንን ይቅር በማለት ወደ እግዚአብሔር ከተመለስን አዲስ ሰዎች አዲስ ልጆች ሆንን ማለት ነው፡፡ ይህን ከአደረግን ቸሩ እግዚአብሔር የምንጠይቀውን ሁሉ ይሰጠናል፡፡ እንግዲህ ጌታችን እኛ ሁላችንም እንደ ሕፃናት እንድንሆንና በማንም ሰው ላይ ቂም በቀል እንዳንይዝ ይጠይቀናል፡፡ ስንት ሰዎች ነን ከወንድሞቻችን ከእኀቶቻችን ከጎረቤቶቻችን ጋር የተቀያየምን? አባቶቻችን የሚሉትን ታውቃላችሁ? “ቂም ይዞ ጸሎት ሳል ይዞት ስርቆት” ፈጽሞ አይቻልም ይሉናል፡፡ ከወንድሞቻችን ጋር ከእኅቶቻችን ጋር ከጎረቤቶቻችን ጋር ተቀያይመን ሳንታረቅ ወደ ቤተ ክርስቲያን መምጣትና መጸለይ ዋጋ የለውም፡፡ ጸሎታችን ቅድመ እግዚአብሔር ፈጽሞ አይደርስም፡፡ የምንሰጠውም ስጦታ/ሙዳየ ምጽዋእት በእግዚአብሔር ዘንድ ተቀባይነት የለውም፡፡ ጌታችን ኢየሱስ ክርስቶስ እንዲህ ይለናል፡- “መባህን (ስጦታህን በመሠዊያው ፊት በምታቀርብበት ጊዜ ያስቀየምከው ወይም የተጣላህ ወንድምህ መኖሩን ካስታወስክ መባህን ከማቅረብህ በፊት መጀመሪያ ሔደህ ከወንድምህ ጋር ታረቅ ከዚያም በኋላ ተመልሰህ መባህን አቅርብ” ይለናል (ማቴ. 5÷23-24)፡፡ Continue Reading

Aba Samuel-‹‹ጌታቸው በመጣ ጊዜ ሲተጉ የሚያገኛቸው እነዚያ አገልጋዮች ብፁዓን ናቸው እውነት  እላችዋኋሁ  ወገቡን ታጥቆ በማዕድ ያስቀምጣቸዋል፣ቀርቦም ያለግላቸዋል›› (ሉቃ 12፥37)
ይህ አገልግሎት በሚል ርእስ የተጻፈ ጽሑፍ የአገልግሎትን ምንነት፣ አገልግሎት በሰማያውያን ፍጥረታት በመላእክት እና በምድራውያኑ በደቂቀ አዳም ወይም በሰው ልጆች ዘንድ፣ የአገልግሎት ዓይነቶች፣ በአገልግሎት ወቅት የሚገጥሙ ፈተናዎች ሊኖር ስለሚገባው ጽናት፣ በአገልግሎት ወቅት በምእመናን በአገልጋዮች ሊኖር ስለሚገባው መጠኑን የጠበቀ ግንኑነት፣ ለአገልግሎት የሚሾም እግዚአብሔር ስለመሆኑ እና ተዛማጅ በአገልግልት ላይ የተቀመጡ መመሪያዎችን የሚያሳየን ጽሐፍ ነው።

ይህ ጽሑፍ የተጻፈበት ዓላማም ‹‹ከሌሊቱም በሁለተኛው ወይም በሦስተኛው ክፍል መጥቶ እንዲሁ ቢያገኛቸው እነዚያ ባሪያዎች ብፁዓን ናቸው›› (ሉቃ 12፥38)ተብሎ እንደተጻፈ አገልጋዮች የአገልግሎት ጸጋ የሰጣቸውን እግዚአብሔርን እየተመለከቱ እንዲያገለግሉ ለማበረታታት ምእመናን ከአገልጋዮች ጋር ሊኖራቸው ስለሚገባው ግንኙነት ለመግለጽ በአገልግሎት ወቅት የሚገጥሙ ፈተናዎችን በመጠቆም አገልጋዮች በፈተና የጸኑ ይሆኑ ዘንድ ለመምከር ታስቦ ነው።

ስለዚህ አንባብያን ይህን ጽሑፍ በማንበብ ለአገልግሎት የበረታ ሰብእናን ገንዘብ እንዲያደርጉ፣ በአገልግሎት ወቅት የሚገጥሙ አንዳንድ ጥቃቅን ቀበሮዎችን አጥምዶ በመያዝ በፈተና ላለመሸነፍ መንፈሳዊ ወኔን መላበስ እና የምናገለግለው አምላክ የአገልግሎታችንን ዋጋ እንደማያስቀርብን በማመን ምድራዊውን ሳይሆን ሰማያውን ጊዜያዊውን ሳይሆን ዘላለማዊውን በመመልከት በተሰጠን ጸጋ ያለመሰልቸትና ያለማቋረጥ በጊዜውም ያለጊዜውም  በአገልግሎት ስንተጋ ልንገኝ ይገባል #ብፁዓን አግብርት እለ ይረክቦሙ እግዚአሙ መጺኦ እንዘ ይተግሁ፤ ጌታቸው በመጣ ጊዜ ሲተጉ ያገኛቸው እነዚያ አገልጋዮች ንዑዳን ክቡራን  ናቸው›› ተብሎ በቅዱስ ወንጌል እንደተነገረን በትጋታችን የምናኛውን ዋጋ እያሰብን ማገልገላችን ለራሳችንም ሆነ ለምናገለግላቸው ተገልጋዮች (ምእመናን) የሚጠቅም መሆኑን ልብ በማለት ማገልገል ይጠበቅብናል። Continue Reading

ብፁዕ አባታችን አቡነ ሳሙኤል የሀዋሳ ደ/ሰ/ቅ/ሥላሴ  ቤተ ክርስቲያን ሲመርቅ ያስተላለፉት መልእክት

ዘፍ 18፥1 ወአስተርዮ እግዚአብሔር ለአብርሃም በኀበ ዕፀ ምንባሬ

ብጹእ አቡነ ሳሙኤል በዓሉ ላይ ሲያስተምሩ

ብጹእ አቡነ ሳሙኤል በዓሉ ላይ ሲያስተምሩ

እግዚአብሔር በመምሬ የአድባር ዛፍ ስር ለአብርሐም ተገለጠለት የአብርሃም  አምልኰ የሕይውት ጉዞ የሚጀመረው በመገለጥ ነው። አብርሃም ከጣኦት አምላኪያን ቤተሰበ የተገኘ ሰው ነው እንዲሁም አባቱ ታራ ጣኦት እየቀረፀ  የሚተዳደር ሰው ነበር በዚህ ሁኔታ ውስጥ ነው አብርሃም በሥነፍጥርት ተመራምሮ ህያው ያለ እና የሚኖር ፈጣሪውን አምላክ ለማምለክ የተጠራው።

እግዚአብሔርም አለው ዘርህን አበዛዋለሁ ታላቀ ሕዝብም ይሆናል እባርክሃለሁ። ስምህንም ገናና አደርገዋለሁ ለሌሎችም በረከት ትሆናለህ

ዘፍ 12፥1-2

አብርሃም የማያውቀው እግዚአብሔር እርሱን የሚያውቀው ይህ የመለየት ጥሪ ከዘመድህ ከቤትህ ተለይ የሚል መልእክት በዚያን ዘመን እና ጊዜ ይቅርና ዛሬም በእኛ ዘመን እንኳን ቢሆን በጣም አስጨናቂ ነበር በመንፈሳዊ ሕይወት መጀመሪያ  የሚቀድመው መለየት ነው የምንለየውም ከዝሙት፣ከሱስ፣ከሀሰት፣ከስካር፣ ከሙስና በአጠቃላይ ከኃጢአት ሥራ ነው። አብርሃምም በአምነ የእግዚአብሔርን ቃል ወደ አብርሃም መጣ ከዚህ በኋላ አብርሃም ራዕይ አየ እግዚአብሔርም አብርሃም አትፍራ እንደጋሻ ሆኜ ከአደጋ እጠብቅሃለሁ አለው።

ዘፍ. 15፥1-2

አብርሃም በሕይወት ዘመኑ እግዚአብሔርን በማምለክ እንዲኖር እንዳይፈራ እግዚአብሔር ጋሻ እንደሆነ የሚያስረዳ ነበር ነው። አብርሃም የዘለዓለም ቃል ኪዳን ከተቀበለ በኃላ በመልካም ሥራ ተጠምዶ መኖር የጀመረው አባታችን አብርሃም ከሚታወቅበት መልካም ሥራዎቹ ውስጥ አንዱ እንግዳ ተቀባይነቱ ነው። በዚህም ሰዓት ሰይጣን ይቀናበት እና ይበሳጭበት  ነበር አብርሃም ግን በበረከት እየበዛ በሄደበት ሁሉ የእግዚአብሔርን ስም እየጠራ የሚኖር አባት ነበር /ዘፍ 13፥1-5 / Continue Reading

በስመ አብ ወወልድ ወመንፈስ ቅዱስ አሐዱ አምላክ አሜን።

‹‹… ለዘለዓለም ስሜ በዚያ ያድር ዘንድ የሠራኸውን ቤት ቀድሻለሁ። ዓይኖቼና ልቤም በዘመኑ ሁሉ በዚያ ይሆናሉ›› (ቀዳማዊ ነገሥት ፱፥፫)።

በአ/አበባ ሀ/ስብከት እስካሁን ከተሠሩ ዘመናውያነ አብያተ ክርስሪያናት ሊጠቀሰ የሚችለው የአየር ጤና ኪዳነ ምሕረት ቅዳሴ ቤቱ በሚከበርበት ዕለት ይህን መልክት ሳለተላልፍ የሚሰማን መንፈሳዊ ደስታ እጅግ ከፍ ያል ነው።

በሕዝበ ክርስቲያኑ አማካይነት ምን ያህል እንደተደከመበት እናውቃለንና ምእመናን ቤታችን፣ ንብረታችን፣ ትዳራችን፣ ሀብታችን ሳይሉ በከፍተኛ ትዕግሥትና ተአማኒነት፣ ጥበብና አስተዋይነት ይህን ታርክ፣ ቤተ ክርስቲያን ሠርተው ለቅዳሴ ቤቱ ላበቁት ምእመናን፣ ምእመናን በተላበሰ የኮሚቴው አባላት እግዚአብሔር አምላክ ዋጋቸውን ይክፈላቸው ዘንድ ከልብ እንጸልያለን፣ ሥራቸውንም እናደንቃልን።

Continue Reading